შანო

შანოს საოჯახო მარანი დაარსდა 2015 წელს, მარტყოფში. იმავე წელს გავაშენეთ მცირე ვენახი, რომელიც ოჯახისთვის განსაკუთრებულად სიმბოლურ თარიღს უკავშირდება — ჩვენთვის სასახელო დიდი პაპის, შალვა ნოზაძის, 100 წლის იუბილეს. სწორედ მის სახელს ატარებს მარანიც — „შანო“. ჩვენი ვენახი წარმოდგენილია ბუდეშურის საფერავის ჯიშით. 2019 წლიდან ვაწარმოებთ ღვინოს ქართული ტრადიციული მეთოდით. მარნის განვითარებასთან ერთად, ბუდეშურის საფერავს დაემატა სხვა უნიკალური ჯიშებიც — ხიხვი, ქისი და მანავის მწვანე. თითოეული ღვინო მზადდება ბუნებრივად, ლიმიტირებული რაოდენობით, განსაკუთრებული ხარისხის შენარჩუნებით.